बाँके, १९ असोज । बाँकेको बैजनाथ गाउँपालिका ४ बाट प्रहरीले ८ जुवाडेलाई पक्राउ गरेको छ । जुवाखालबाट ९० हजार रुपैया समेत बरामद भएको हो ।
दशैंको अवसरमा जुवातास खेलिरहेका उनीहरुलाई शनिवार मध्यरातमा पक्राउ गरिएको इलाका प्रहरी कार्यालय कोहलपुरले जनाएको छ । पक्राउ परेकाहरुमाथि कारबाही प्रक्रिया अगाडी बढाएको प्रहरीको भनाई छ ।
हरेक वर्ष दशैंमा जुवातास खेल्ने चलन छ । तर पछिल्लो समय प्रहरीले कडाइ गरेपछि जुवातास खेल्नेहरु घटेका छन् । यद्दपी दशैंका बेला जुवाडेहरु पक्राउ परिरहेका छन् ।
