बारा, ५ मंसिर । नेपाल विद्युत प्राधिकरण कलैया वितरण शाखा, बारामा कार्यरत एक कर्मचारीलाई अख्तियारको टोलीले घुससहित पक्राउ गरेको छ ।

पक्राउ पर्नेमा ईलेक्ट्रिक हेल्पर राजदेव महतो कोइरी छन् । उनले सेवाग्राहीबाट ९ हजार रुपैया घुस लिदैगर्दा अख्तियारको कार्यालय हेटौंडाबाट खटेको टोलीले पक्राउ गरेको छ ।

महतोले कलैया उपमहानगरपालिका वडा नम्बर ३ स्थित चिया पसलबाट पक्राउ परेको र आवश्यक कारबाही सुरु गरिएको अख्तियारले जनाएको छ ।