जनकपुरधाम : कोरोना भाइरसबाट मृत्यू भएका महोत्तरीका एक पुरुषको श्रीमती पनि संक्रमित भएकी छन् ।

कोरोनाले मनरा सिस्वा नगरपालिका ४ का कमलेश सहनीको मृत्यू भएको थियो । पछि उनका श्रीमती पिंकी सहनीमा पनि कोरोनाको लक्षण देखा परे । उनी उपचारका लागि काठमाडौं पुगेपछि कोरोना पुष्टि भएको छ ।

अहिले उनको काठमाडौंको सुर्या हेल्थकेयर अस्पतालमा उपचार भइरहेको छ । उनको अवस्था गम्भिर बनेपछि भेन्टिलेटरमा राखिएको बताइएको छ ।