टुडेखोज/ जनकपुरधाम : प्रदेश २ मा शुक्रवार ४८ जना कोरोना संक्रमित थपिएका छन् । सामाजिक विकास मन्त्रालयका अनुसार संक्रमितमध्ये २२ जना महिला रहेकी छन् ।

सबभन्दा बढी सिरहामा २२ संक्रमित थपिएका छन् । जसमध्ये १९ जना सिरहा कारागारकै कैदीबन्दी छन् । यसअघि पनि ५९ जना कैदीबन्दीमा संक्रमण पुष्टि भइसकेको छ ।

यस्तै बारा र पर्सामा १/१ जना, सर्लाहीमा ५ जना, रौतहटमा ६ जना र सप्तरीमा १३ जना कोरोना संक्रमित थपिएका छन् । प्रदेश २ मा संक्रमितको संख्या ११ हजार ७१३ पुगेको मन्त्रालयले जनाएको छ ।

पछिल्लो २४ घण्टामा जनकपुरधाम बस्दै आएका महोत्तरीको बथनाहा टोलका ६५ वर्षीय पुरुषको कोरोना संक्रमणबाट ज्यान गएको छ । योसँगै यस प्रदेशमा मृतकको संख्या १०८ पुगेको छ ।

हेर्नुस् पुरा विवरण :