जनकपुरधाम : सिन्धुलीको कमलामाई नगरपालिका–७ करुन डाँडा भन्ने ठाउँमा जिप दुर्घटना हुँदा ४ जनाको मृत्यु भएको छ । जिपमा सवार अन्य ७ जना घाइते भएका छन् ।

जिपको चालक र अन्य एक व्यक्तिको अवस्था गम्भीर रहेको प्रमुख जिल्ला अधिकारी सुरेश न्यौपानेले बताए । उनका अनुसार घाईतेहरुलाई उपचारका लागि सिन्धुली अस्पतालमा उपचारका लागि लगिएको छ ।

घुम्तीमा मोड्ने क्रममा जिप खसेको हुन सक्ने बताइएको छ ।