इजरायलको उत्तरी क्षेत्रमा ९०० वर्ष पुरानो एक तरवार फेला परेको छ । स्लोमी कटजीनले फेला पारेको एक मिटर लम्बाइ भएको उक्त तरबार इजरायली अधिकारीहरुलाई हस्तान्तरण गरिएको छ ।

इजरायलको एन्टिक्विटिज अथोरिटी (आइएए)ले उक्त तरबार सफा गरेर विश्लेषण गरिसकेपछि प्रदर्शनमा राखिने जनाएको छ । करिब ९ सय वर्षअघि भएको क्रुसेडर युद्धको समयमा उक्त तरबार क्रुसेडर सैनिकले प्रयोग गरेको आइएएले जनाएको छ ।