चीनको उत्तरपूर्वी क्षेत्र जिलिनस्थित जे’ल तोडेर भागेका उत्तर कोरियाली नागरिक झु छियानजियानलाई पक्राउ गर्न चिनियाँ अधिकारीहरुले २३ हजार अमेरिकी डलर पुरस्कार घोषणा गरेका छन् ।

झु छियानजियान २०१३ मा अवै’ध रुपमा चीन प्रवेश गरेका थिए । तीन वर्षपछि उनले ठ’गी र अवै’ध रुपमा सीमा पार गरेको लगायत मुद्दामा ११ वर्षका लागि जे’ल सजा’य पाएका थिए । उनी उत्तर कोरियाबाट भागेर चीन पुगेकाले उत्तर कोरियाको देशद्रो’ही सूचीमा परेका थिए ।

उनी जे‘लको गेट छेउबाट भागेपछि जिलिन कारागा‘रले उनको खोजीका लागि पुरस्कार घोषणा गरेको हो । अधिकारीहरुका अनुसार उनको बारेमा प्रहरीलाई सूचना दिए मात्रै पनि १५ हजार ६०० अमेरिकी डलर पुरस्कार पाउनेछन् ।

जे’लबाट नाटकीय शैलीमा उनी भाग्दै गरेको भिडियो फुटेजसमेत सार्वजनिक भएको छ । फुटेजमा उनी प्रष्टसँग नदेखिए पनि नाटकीय रुपमा भाग्दै गरेको दृश्य देख्न सकिन्छ । भिडियोमा झु कम्पाउन्डको बार नाघेर भाग्दै गरेको दखिन्छ । त्यस क्रममा उनी घरका छतमासमेत चढेका थिए ।

चीनमा ट्वीटर लगायत सामाजिक सञ्जालमा २२ मिलियनले उनलाई अवलोकन गरेका छन् । तर जे’लबाट भागेका अभि’युक्त स्वयं चीनमा चर्चित बनेका छन् । उनी एक अभि’युक्त भए पनि धेरैबाट सहानुभूति पाएका छन् । उनको पक्षमा ह्यासट्याग अभियान नै चलाइएको छ ।

चीनले भने ह्यासट्याग अभियानमा सेन्सर लगाएको जनाइएको छ । चीनले यस्तो घटनाप्रति आपत्ति जनाउँदै सेन्सर लगाएको हो । तीमध्ये केही ह्यासट्याग र सामाजिक सञ्जालबाटै हटाइएको छ ।

अदालतका कागजातहरुका अनुसार २००३ को जुलाइ २१ को रात झु कठिन बाटो हुँदै चीन पुगेका थिए । उत्तर कोरियामा छँदा उनी कोइला खानीमा काम गर्थे । चीनमा जे’ल परेपछि त्यस अवधिमा उनको काराबास सजा’य दुई पटकसम्म कम गरिएको थियो ।

उनले जे’लभित्र रहँदा अनुसाशित भएको, वैचारिक, सांस्कृतिक र व्यावसासिक शिक्षा र श्रममा सक्रिय रुपमा काम गरेको भन्दै उनको सजा’य २०१७ र २०२० मा दुई पटक कटौती गरिएको थियो । यसरी नभागेको भए २०२३ को अगस्टमा उनी रिहा हुन्थे ।