बारा । राष्ट्रिय दलित मुक्ति जागरण अभियान नेपालका बारा जिल्ला अध्यक्ष विक्रम महराको निधन भएको छ ।

बाराको कलैया उपमहानगरपालिका १६, मझौलिया गाउँमा जन्मेका ७५ वर्षीय महराको बुधबार बेलुकी ज्वरो आएको थियो । राति ९ बजे हृदय घातको कारण मृत्यु भएको उहाँको निकटतम साथी किशोरी महराले जानकारी दिनु भएको छ ।

लकडाउनमा दलितमाथि श्रृङखलावद्ध हत्या, हिंसा, बलात्कार, कुटपिट बढेपछि खबरदारी र संघर्ष स्वरुप राजेश विद्रोहीको नेतृत्वमा देशैभरी निर्माण भएको राष्ट्रिय दलित मुक्ति जागरण अभियानका जिल्ला अध्यक्ष समेत हुनुहुन्थ्यो महरा ।

राष्ट्रिय दलित मुक्ति जागरण अभियानले शोक विज्ञप्ति निकाल्दै महराको निधनले जागरण अभियानको अपूर्निय क्षति भएकोले शोकाकुल परिवारमा धैर्यधारण मिलोस्, महराको आत्माको चिरशान्तिको कामना गर्दै श्रद्धाञ्जली व्यक्त गरेका छन् ।

महरा लामो समयदेखि कम्युनिस्ट राजनीतिकबाट प्रेरित थिए । नेकपा एमालेबाट २०४८ सालमा गाविस अध्यक्षमा निर्वाचित पनि भएका थिए भने राष्ट्रिय दलित आयोगको सदस्य समेत भएका थिए । महरा श्री गुरु रविदास मिसन नेपालका राष्ट्रिय अध्यक्ष समेत हुनुहुन्थ्यो ।

नेकपा एमाले विभाजित भएपछि माधवकुमार नेपाल नेतृत्वको एकिकृत समाजवादी पार्टीमा संलग्न थिए । महराको परिवारमा १ छोरा २ छोरी र श्रीमती छ ।