सिरहा । मधेश आन्दोलनको प्रथम शहिद रमेश महतोको सम्झौनामा आज औरही गाउँपालिकाले १६ औं बलिदानी दिवस मनाउन लागेको छ ।
बलिदानी दिवसको अवसरमा औरही गाउँपालिकाले रक्तदान कार्यक्रम, शहिद परिवार र ज्येष्ठ नागरिकलाई सम्मान तथा स्वास्थ्य शिविरको आयोजना गरेको हो । गाउँपालिका अध्यक्ष शिवजी यादवले बलिदानी दिवसको अवसरमा आज मध्यान्हबाट हुने कार्यक्रमहरुमा उपस्थितिका लागि सबैसँग अनुरोध गरेका छन् ।
मधेश आन्दोलनकै कारण देशमा संघीता आएको र मधेशी जनताले पहिचान पाएकोले बलिदानी दिवस मनाउन लागेको अध्यक्ष यादवको भनाई छ । आज प्रदेश सरकारले बलिदानी दिवसको अवसरमा सार्वजनिक विदा पनि दिएको छ ।
