जनकपुरधाम, ९ भदौ । जनकपुरमा घरको छतबाट लडेर सप्तरी घर भएका एक मजदुरको मृत्यू भएको छ । एक मजदुर घाइते पनि भएका छन् ।
जनकपुरको पीडारी चोकस्थित रामसोगारथ साहको निर्माणाधिन घरको छतबाट लडेर सप्तरीको सप्तरीको सम्भुनाथ नगरपालिका ६ बगरहटका ४० बर्षीय नन्दु मण्डको मृत्यू भएको हो । सोही ठाउँका अन्दाजी ३० वर्षिय हरिकान्त मण्डल घाईते भएका छन् ।
मण्डलको घटनास्थलमै मृत्यू भएको र घाइते हरिकान्तको उपचार अंचल अस्पताल जनकपुरमा भइरहेको जिल्ला प्रहरी कार्यालय धनुषाले जनाएको छ । घर निर्माण गर्ने क्रममा उनी दुबै जना खसेको प्रहरीको भनाई छ ।
