काठमाडौं, २३ भदौं । सार्वजनिक गाडीमा महिलालाई यौन दुव्र्यवहार गरेको आरोपमा पूर्व साँसद पक्राउ परेका छन् ।
तत्कालिन एकिकृत नेकपा माओवादीबाट ०७० को संविधानसभाका साँसद योगेन्द्र घिसिङ पक्राउ परेका हुन् । पीडित पक्षले दिएको उजुरीको आधारमा पूर्व सभासद घिसिङलाई पक्राउ गरिएको महानगरीय प्रहरी परिसर ललितपुरले जनाएको छ ।
पक्राउ परेका घिसिङमाथि प्रहरीले अनुसन्धान तथा कारबाही प्रक्रिया अगाडी बढाएको छ । उनलाई आन्तरिक विवादका कारण तत्कालीन माओवादीले नै साधारण सदस्य समेत नरहने गरी कारबाही गरिसकेको छ ।
स्थानीय तहको निर्वाचनका बेला आफू निकटका व्यक्तिलाई उम्मेदवार हुन भन्दै टिकट दिएको आरोपमा उनलाई कारबाही गरी माओवादीले पार्टीबाट निस्काशन गरेको थियो ।
