जनकपुरधाम, १२ असोज । संघीय साँसद जुली महतोले नेपाल पत्रकार महासंघ शाखा धनुषालाई आइतवार कम्प्यूटर, टेबल र कुर्सी सहयोग गरेकी छन् ।
साँसद महतोले जनकपुरस्थित महासँघको कार्यालयका आयोजित एक समारोहबीच कम्प्यूटर, ५ थान, टेबल ५ थान र कुर्सी पनि ५ थान हस्तान्तरण गरिन् । उनले कम्प्यूटरमा स्वीच थिचेर उद्घाटन समेत गरकी छिन् ।
साँसद महतोले क्षेत्र विकासको बजेटबाट कम्प्यूटर, टेबल र कुसी प्रदान गरेको बताउँदै अगामी दिनमा समेत निरन्तर सहयोग गर्ने प्रतिवद्धता जनाइन् । उनले समाजकै लागि पत्रकार र नेता समेत काम गरिरहेकाले सकारात्मक समाचार सम्प्रेशन गर्न आग्रह गरिन् ।
महासंघको निर्माणाधिन भवनको समेत उनले अवलोकन गरेकी थिइन् । महासँघले भवन बनाउँदा अत्यन्त खुःशी व्यक्त गरिन् । उनले भवन निर्माण भइसकेपछि माइक र साउण्ड सहयोग गर्ने प्रतिवद्धता जनाइन् ।
यस्तै उधोग बाणिज्य संघ जनकपुरका पूर्व अध्यक्ष शिवशंकर साह (हिरा)ले पनि महासंघको मिटिङ हलमा लाइट डेकोरेशन गरिदिने प्रतिवद्धता जनाएका छन् । महासंघ भवन निर्माणका लागि राजपा नेता तथा साँसद राजेन्द्र महतोले संसदीय विकास कोषबाट १० लाख सहयोग गरेका थिए ।
