कपिलवस्तु, १८ असोज । सशस्त्र प्रहरी कपिलवस्तुको टोलीले सात लाख ६० हजार ६५० भारतीय रुपैयाँसहित शनिबार एक व्यक्तिलाई नियन्त्रणमा लिएको छ ।
पक्राउ पर्नेमा दाङको तुलसीपुर उपमहानगरपालिका–८ का कृष्णबहादुर ओली छन् । उनले आफ्नो कम्मरमा बाँधेर लुकाइ–छिपाइ सो रकम भारततर्फ लैजाँदै थिए । कृष्णनगरको लिंकगेटस्थित चेकपोस्टबाट चेकजाँचकाक्रममा उनी समातिएका हुन् ।
नियन्त्रणमा लिइएका ओलीको साथबाट दुई हजार, एक हजार, ५००, १०० र ५० दरका नोट गरी सो परिमाणमा भारतीय मुद्रा फेलापरेको जनाइएको छ ।
उनलाई थप कारबाहीका लागि राजश्व अनुसन्धान कार्यालयमा पठाइने सशस्त्र प्रहरी नम्बर २८ गणका गणपति सशस्त्र प्रहरी उपरीक्षक जनक पुरीले जानकारी दिए ।
