जयनाथ यादव, सिरहा । लहानस्थित पशुपति माविको फिल्डमा आजबाट ‘लहान एक्सपो महोत्सव’ सुरु भएको छ ।
उपप्रधान एवं भौतिक पूर्वाधार तथा यातायात मन्त्री रघुवीर महासेठ र मधेशका स्वास्थ्य मन्त्री शत्रुधन प्रसाद सिंहले महोत्सवको उद्घाटन गरेका छन् । उद्घाटन सत्रमा नृत्यले दर्शकलाई मनोरंजन गराइएको छ ।
जिल्ला उधोग वाणिज्य संघ लहानले समृद्धिको आधार कृषि, पर्यटन उद्योग र व्यापार मुल नाराका साथ आयोजना गरेको ‘लहान एक्स्पो महोत्सव १० दिनसम्म चल्नेछ ।
महोत्सवमा हरेक दिन सांझ विशेष सांस्कृतिक कार्यक्रम हुनेछ । वैशाख ६ गते अक्षरा सिंहको प्रस्तुति रहने आयोजकले जनाएको छ ।