जयनाथ यादब/ सिरहा : लहानस्थित ग्लोबल आईएमई बैंकका एक कर्मचारीमा कोरोना पुष्टि भएपछि उच्च सतर्कता अपनाउन अनुरोध गरिएको छ ।
लहान नगरपालिकाका प्रमुख प्रशासकीय अधिकृत खेमचन्द्र भुषालले सूचना जारी गरेर बैंक तथा वित्तिय संस्थाहरुलाई उच्च सतर्कता अपनाउन अपिल गरेका हुन् । कोरोना संक्रमण फैलिने जोखिम बढेकाले भिडभाड नगरी सार्वजनिक दुरी कायम गरेर सेवा प्रहाह गर्न सूचनामा उल्लेख छ ।
कोरोना रोकथाम तथा नियन्त्रणका लागि साउन २३ गतेबाट ३२ गतेसम्मका लागि लहा नगरपालिकामा लकडाउन गरिएको छ । सो अवधिमा विहान १० बजेदेखि दिउँसो १ बजेसम्म सेवा उपलब्ध गराउन भनिएको छ ।
