जनकपुरधाम, १२ भदौं । जनकपुरमा शान्ति सुरक्षा दिने प्रहरी नै फुटपाथ व्यापारीमाथि ज्यादती गर्न थालेका छन् । आज नरिवल बेचेर गुजारा गर्ने १६ वर्षीय रोशन चौधरीलाई प्रहरीले कुटेको हो ।

जनकपुरको जानकी मन्दिरको उत्तरपट्टी रहेको जानकी चोकको फुटपाथमा नरिव विक्री गरिरहेका चौधरीलाई जानकी मन्दिर परिसरका पर्यटक प्रहरी जवान प्रेमशंकर यादवले कुटपिट गरेका हुन् । १६ बर्षीय चौधरीको गाामा प्रहरीले थप्पडले हिड्काएका छन् ।

स्रोतका अनुसार चौधरीसँग प्रहरी जवान यादबले रकम माँगेका थिए । तर मागेजति नदिएपछि उनलाई कुटपिट गरेको बताइएको छ । चौधरीले पनि रकम नदिएपछि आफूलाई कुटपिट गरेको दुःखेसो सुनाए ।

जिल्ला प्रहरी कार्यालय धनुषामा आयोजित कार्यक्रममा प्रदेश २ का प्रहरी प्रमुख डिआइजी प्रद्युमन कार्कीले गलत काम गर्ने जुनसुकै प्रहरीलाई कारबाही गर्ने बताएका थिए । त्यसको तीन दिन नवित्दै प्रहरी जवानले एक बालकमाथि यसरी निर्घाट कुटपिट गरेपछि प्रहरी संगठनमाथि प्रश्न उठेको छ । – तस्विर : टुडेपाटीबाट