महेन्द्रनगर, २५ भदौं । डेंगु रोकथाम सम्बन्धी महेन्द्रनगरमा सचेतना मुलक ¥याली निकालिएको छ । धनुषा जिल्लाको क्षिरेश्वरनाथ नगरपालिका र ईलाका प्रहरी कार्यालय महेन्द्रनगरको संयूक्त पहलमा डेंगु रोकथाम सम्बन्धी लेखेको पलेकार्ड सहित महेन्द्रनगरको विभिन्न चोक परिक्रमा गरेको थियो ।
देशभरी डेंगु रोकथाम सम्बन्धी चलीरहेको सचेतना मुलक कार्यक्रम अन्तर्गत क्षिरेश्वरनाथ नगरपालिकाको मुख्य चोक लक्षित गरी बुधवार विहान ¥याली निकालिएको थियो ।
क्षिरेश्वरनाथ नगरपालिकाका नगर उप–प्रमुख रचना माथेमा, प्रमुख प्रशासकिय अधिकृत उमेशलाल कर्ण, इलाका प्रहरी कार्यालय महेन्द्रनगरका प्रहरी निरिक्षक अमिर दहाल, दुधमती यूवा कलवका अध्यक्ष सतिश झा, सशस्त्र प्रहरी, दशर्निया, ज्ञानमन्दिर लगायत बोडिङ्ग स्कुलका विद्यार्थीहरु सहितको टोली ले करिब २ घण्टा लगाई विभिन्न चोकको प्ररिक्रमा गर्दैै डेंगुको प्रकोप हुने सम्भावित ठाउँहरुमा निरिक्षण गर्दै डेंगुको लर्भा मार्ने औषधी छर्की स्थानियहरुलाई यसबाट बंचन सचेत गराएका थिए ।
साथै कार्यक्रमको समापनमा नगर उप–प्रमुख माथेमाले सहभागी स्कुलको विद्यार्थीहरुलाई डेंगु सम्बन्धी आफूले बुझेका कुराहरु आफनो घर र छरछिमेकमा पनि जनकारी गराउन आग्रह गर्नुभयो । त्यस्तै इलाका प्रहरी कर्यालयका प्रहरी निरिक्षक दहाल समुदाय प्रहरी साझेदारी कार्यक्रम शान्तिपुर्ण एंव सुरक्षित समाजका लागी रहेको ले डेंगु नियन्त्रण लगायत अन्य कार्यक्रमहरुमा पनि हाम्रो नियमित सहभागिता रहेने छ ।