जनकपुरधाम, २५ भदौं । धनुषाको दिगम्बरपुरमा मुख्यमन्त्री बेटी बचाउ बेटी पढाउ अभियान अन्तगर्त आन्तरिक मामिला तथा कानुन राज्यमन्त्री सरोज कुमार सिंह कुशवाहाद्वारा क्षात्रालाई साईकल वितरण गरिएको छ ।

क्षिरेश्वरनाथ नगरपालिका ८ मा.वि. दिगम्वरपुर कक्षा ८ मा अध्यनरत छात्राहरुलाई प्रमुख अतिथि आन्तरिक मामिला तथा कानुन राज्य मन्त्री सरोज कुमार सिंह कुशवाहा र स्कुलका प्रधानध्यापक सम्पत महतोको अध्यक्षतामा आयोजित कार्यक्रमबाट यी छात्राहरुलाई साईकल वितरण गरिएको छ ।

कार्यक्रममा संघिय समाजवादि फोरमका नेता चन्देश्वर महतो, प्रदेश प्रतिनिधि नरेश महतो, स्कुलका अध्यक्ष सुरेश प्रसाद सिंह, सदस्य महेन्द्र सिंह (झोटी) लगात शिक्षक शिक्षिका, विद्यार्थी र अविभावकहरुको उपस्थिती रहेको थियो । उक्त विद्यालयका कक्षा ८ मा अध्ययनरत २२ जना छात्राहरुलाई आन्तरिक मामिला तथा कानुन राज्य मन्त्री सिंह साइकल हस्तान्तरण गर्नु भएको हो ।