राजविराज, १८ असोज । सप्तरीको लालपुरमा बहुला स्यालले आतंक मच्चाएको छ । खडक नगरपालिका ११ मा पर्ने लालपलुरका ६ जनालाई बहुला स्यालले टोकेपछि उनीहरु अस्पताल भर्ना भएका छन् ।
शुक्रबार राति एक्कासी गाउँ पसेको बहुला स्यालले आक्रमण गरी स्थानीय ४० वर्षीया गुलावीदेवी रौनियार, २५ वर्षीया अमेरिकादेवी साह, ओमप्रकाश साह र आड वर्षीय छोरा गोविन्द साहलगायत अन्य दुई गरी छ घाइते भएको प्रहरीले जनाएको छ । घाइते अन्यको नाम खुल्न सकेका छैन ।
स्यालको टोकाइबाट घाइते भएका उनीहरूको कल्याणपुरस्थित एडभान्स अस्पतालमा उपचार भइरहेको छ । आक्रमण गर्ने बहुला स्यालको खोजीकार्य भइरहेको इलाका प्रहरी कार्यालय कल्यानपुरले जनाएको छ । तर समाचार तयार पार्दासम्म ति बहुला स्याल भने फेला पर्न सकेका छैन ।