महोत्तरी, २६ असोज । सशस्त्र प्रहरीले तीन लाख भारतीय रुपैयाँसहित एक युवकलाई पक्राउ गरेको छ । पक्राउ पर्नेमा मटिहानी नगरपालिका ८ का २२ वर्षीय राजकुमार साह छन् ।
महोत्तरीको मटिहानी–जलेश्वर सडकखण्डबाट साहलाई पक्राउ गरिएको सशस्त्र प्रहरी बल नेपाल ९ नम्बर हेडक्वार्टर जलसागर महोत्तरीका सशस्त्र प्रहरी उपरीक्षक नीरकृष्ण अधिकारीले जानकारी दिए । ज ७ प ३३९५ नम्बरको मोटरसाइकलमा चढी तीन लाख भारु बोकेर मटिहानीबाट जलेश्वर जाँदै गरेको अवस्थामा साह पक्राउ परेका हुन् ।
स्रोत नखुलेको उक्त भारतीय रुपैया कहाँबाट ल्याएको विषयमा अनुसन्धान भइरहेको प्रहरी उपरीक्षक अधिकारीले बताए । उनले कानून बमोजिम कारबाही प्रक्रिया समेत अगाडी बढाइसकेको बताए । महोत्तरीमा पछिल्लो समय विभिन्न अपराधिक क्रियाकलपामा संलग्नहरु धमाधम पक्राउ पर्न थालेका छन् ।
