गौर, २९ असोज। रौतहटको मौलापुर नगरपालिका ६ पथरा बुधराममा गएराति लामखुटे धपाउन बालिएको घुराबाट सल्किएर चारवटा घर गोठ जलेर नष्ट भएको छ ।
साहेब महतोको गोठमा बालिएको घुरबाट आगो सल्किएर गएराति पौने १० बजेको समयमा गणेश महतो, नरेश महतो र उमेश महतोको घर गोठ जलेर नष्ट भएको प्रहरीले जनाएको छ ।
घरमा रहेको अन्नपात लताकपडा लगाएतका समान पूर्ण रुपमा जलेर नष्ट हुँदा करिव आठ लाख बराबरको क्षति भएको ईलाका प्रहरी कार्यालय मौलापुरका प्रहरी निरीक्षक गौतम बोहराले बताउनुभयो ।
आगो निभाउने क्रममा छिमेकी विगु महतो र जयशी यादवको घरमा समेत क्षति भएको बोहराले टुडे खोजलाई बताउनुभयो । प्रहरी र स्थानीयको सहयोगमा आगोलाई नियन्त्रण्मा लिईएको ईलाका प्रहरी कार्यालय मौलापुरले जनाएको छ
