लहान, ३० भदौं । लाखौं रुपैयासहित सिरहाको सुखिपुरबाट ५ जुवाडे प्रहरी फन्दामा परेका छन् ।
सुखिपुर नगरपालिका ८ बाट ५ जुवाडे फन्दामा परेका हुन् । पक्राउ पर्नेमा सुखिपुर नगरपालिका ८ का ४० वर्षीय रंजित साह, ४२ वर्षीय नागेश्वर चौधरी, ५५ वर्षीय रामजित साह, ४० वर्षीय राम किशुन महतो र ४० वर्षीय रामबिलास मुखिया छन् ।
उनीहरु सुखिपुर नगरपालिका ८ स्थित बिबेक सप्लायर्स कोल्ड स्टोर्स एण्ड होटलमा जुवा खेलिरहेको अवस्थामा इलाका प्रहरी कार्यालय सुखिपुरबाट खटेको गस्ती टोलीले राति करिब ११ बजे पक्राउ गरे । जुवा खालसाट २ लाख २१ हजार रुपैयाँसमेत बरामद भएको छ ।
पक्राउ परेका पाँचै जनामाथि प्रहरीले कारवाही प्रक्रिया अगाडी बढाएको छ।